Котлы булсын туган көнең!

Кадерле, сөйкемле әниебез, картәниебез, кодагыем

НУРМӨХӘММӘТОВА

ЗИЛӘ РӘХИМҖАН КЫЗЫН 

(Учтым) зур юбилее – 80 яше белән ихлас котлыйбыз!

Әниебез – сугыш чоры баласы, аның балачагы һәм яшьлеге сугыштан соңгы авыр елларга туры килгән, шул чорның барлык михнәтләрен, ятимлекне үз җилкәсендә кичергән ул. Гомере буе алны-ялны белми фермада эшләде, өйдә гаиләсе, без, балалары,  турында хәстәрлек күрде. Хезмәт сөючән, игелекле, сабыр – аңа хас күркәм сыйфатларның берничәсе генә. Без газиз  кешебезгә ана мәхәббәте һәм назы, игелеклелеге өчен чиксез рәхмәтле. Һәр яңа көнгә шатланып, сәламәтлектә һәм иминлектә, безнең белән бергә-бергә озак яшәргә насыйп булсын.

Мәрхәмәтле, изге җанлы әнкәй,

Бар назыңны безгә багышлап.

Яшисең син җирдә, һәрбер таңны

Бисмиллаңны әйтеп каршылап.

Рәхмәт сиңа барсы-барсы өчен,

Игелегең кайтсын үзеңә.

Насыйп булсын йөзгә кадәр яшәп

Оныкларың бәхетен күрергә!

Сине яратып, балаларың,

оныкларың, кодагыең.

Учтым, Октябрський, Шәрип.